Bijzondere overeenkomsten

E ley di compra di consumido ta toca e aspectonan importante na momento di compra. Segun ley compra ta un acuerdo den cual un persona ta compromete su mes duna algo y un otro pa paga un prijs pe. Ley di compra ta conta solamente pa benta di producto. E ley no ta conta pa servicionan manera boek viahe, cera seguro of cera un prestamo.

Ora di cumpra un producto  bendedor mester entrega un producto cu ta cumpli cu e acuerdo den cual:

  1. E producto mester cumpli cu e caracteristicia cu bo lo por spera di uzo normal di e producto.
  2. E cumprador por spera cu e producto tin e caracteristicanan cu e bendedor a priminti.
  3. No solamente e bendedor ta mara na su propio notificacionnan, pero si e fabricante haci cierto promesa den su propaganda, e bendedor tin derecho di spera cu e producto cumpli cu e promesanan aki.
  4. Si e bendedor ta percura pa e instalacion, pero ta haci e instalacion malo, e ora esaki ta conta como un roptura di e acuerdo. Mescos ta conta si e consumidor mes instala e prodcuto, pero e instruccionnan di asambla e producto falta informacion cual ta haci e e resultado final sali malo.

Compra di un consumido ta un acuerdo den cual pa ley tanto e bendedor y e cumprador tin derecho y obligacionnan. Sin embargo, ley ta sali di e punto di bista cu e bendedor ta e partido mas experto na momento di cera e acuerdo entre e bendedor y consumidor. Como tal, ley ta trata di pone atencion y proteccion na e consumido como e partido mas debil den un acuerdo di consumido. E leynan aki ta cubri e derecho di e consumido. Derecho di consumido ta inclui den principio ley di compra, pero tambe entre otro ta trata condicionnan general, garantia riba producto, promocion engañoso, benta di producto di cas pa cas y tambe competencia inhusto.

Un parti importante di e ley di compra ta referi na punto 1 akiriba, cual ta referi na garantia legal. Si acaso e articulo falta algo of tin un limitacion cu no lo ta supone di ta eynan, e consumidor por exigi pa dreche si acaso e negoshi por cumpli cu esaki di un forma rasonabel. Ora cu e consumido ripara cu e producto falta un piesa, ta daña, tin un defecto of manera cu ley ta bisa no ta cumpli cu loke bo por spera, e consumido tin di avisa e negoshi mas pronto posibel via telefon of personalmente cu e factura of prueba di compra. Pa mas informacion riba garantia legal, click aki.

Aki mester menciona cu e derecho mas importante di e consumido y deber ta pa, prome cu e haci un compra, busca informacion y orienta su mes bon prome.

Otro debernan di e consumido ta pa entre otro pa paga e prijs acorda. E pago mester sosode na momento y na e luga di entrega di e articulo (a no ser cu ta existi otro areglo di pago entre e consumido y bendedo).