Organisacion

• 

Dienst Huur- en Consumentenzaken ta conoci den boca di Pueblo como Huurcommissie. Esaki en realidad no ta berdad, pues Huurcommissie ta un organo separa. Loke si ta berdad ta cu Dienst Huur- en Consumentenzaken ta duna sosten administrativo na Huurcommissie. 

Dienst Huur- en Consumentenzaken, cual antes tabata yama Bureau Huur- en Consumentenbescherming, ta cumpli cu tur su tareanan incluso supervision di leynan cu tin como meta proteccion di consumido.  

Nos tareanan ta pa:

• Prepara conseho di maneho pa Gobierno riba casonan cu ta toca proteccion di huur y consumido;
• Control riba cumplimento di determinacionnan manera stipula den ley di huurcommissie y otro leynan cu ta sali na defensa di e consumido;
• Conseho y asistencia administrativo na Huurcommissie;
• Conseho y sosten administrativo na organisacionnnan cu tin como meta proteccion di consumido.

Dienst Huur- en Consumentenzaken ta consisti di un team di 15 persona dividi entre e seccionnan di direccion, asunto general, administracion, inspeccion, asunto di huur y asunto di consumido. E team di Dienst Huur- en Consumentenzaken t’ey di Dialuna pa Diabierna di 7:30am pa 4:30pm pa atende cliente riba pregunta, inkietud, inspeccion of intermediacion cu ta toca asunto di huur of di consumido.

Desde 2012 Dienst Huur- en Consumentenzaken ta ofrece e servicio di proteccion na consumido completo den cual entre otro ta atende casonan individual di consumidonan. Ademas di atende casonan individual, Dienst Huur- en Consumentenzaken ta haci investigacionnan riba mercado anualmente pa sigui desaroyonan cu ta toca e consumido y explora formanan pa hisa proteccion di e consumido y mehora e servicio di Dienst Huur- en Consumentenzaken.